ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⴰⵙⵙ ⵏ ⵓⵙⴰⵎⴰⵙⴳ ⴳ ⵕⵕⴱⴰⵟ, ⵜⴰⴼⵓⴳⵍⴰ ⵏ ⵓⵙⵡⵙⵢ ⵏ ⴰⵜⵉⴳ ⴰⴽⵙⵡⴰⵜ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵎⵉⵏⴰ, ⴰⵙ ⵜ ⵉⵕⵃⵎ ⵕⴱⴱⵉ, ⵏ ⵜⵉⴽⵍⵉ ⵜⵉⵙⵙ ⵙⵏⴰⵜ ⵏ ⵜⵥⵕⵉⴳⵜ ⵜⵉⵙⵙ 4 ⵏ ⵎⵓⵕⵓⴽⵓ ⵕⵡⴰⵢⴰⵍ ⵜⵓⵔ 2013 ⵏ ⵓⴽⵯⵉ ⵏ ⵉⴳⵉⵏⴰⵏⵏ, ⵍⵍⵉ ⵉⵙⵏⵎⴰⵍⴰⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵙⴳ 27 ⴰⵔ 29 ⵛⵓⵜⴰⵏⵎⵉⵔ ⴰⴷ, ⴳ ⵓⴷⴷⵉⵙ ⴰⴳⵍⴷⴰⵏ ⵏ ⵜⵓⵏⵏⵓⵏⵉⵏ ⵏ ⵓⵢⵢⵉⵙ ⴷ ⵜⴱⵓⵕⵉⴹⴰ ⵏ ⴹⴰⵕ ⵙⴰⵍⴰⵎ.

ⵔⴰⴷ ⵙⴼⵓⴳⵍⵓⵏ ⵜⵡⵊⴰ ⵜⴰⴳⵍⴷⴰⵏⵜ ⴷ ⵓⴳⴷⵓⴷ ⴰⵎⵖⵔⵉⴱⵉ, ⴰⵙⵙ ⵏ ⵓⵙⴰⵎⴰⵙ, ⴰⵙⵙ ⵏ ⵜⵍⴰⵍⵉⵜ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ, ⵎⴰⵢⴰⴷ ⵉⴳⴰⵏ ⵢⴰⵏ ⴰⵣⵎⵣⵣⵓ ⵍⵍⵉ ⵢⵎⵍⴰⵏ ⴰⵙⵏⴰⵍ ⴰⵎⵖⵍⴰⵍ ⵍⵍⵉ ⵜⴼⴽⴰ ⵍⴰⵍ ⵏ ⵜⴰⵜⵜⵓⵜ ⵜⴰⴳⵍⴷⴰⵏⵜ ⵉ ⴽⵓⵍⵍⵓ ⵜⵉⵙⵏⵜⴰⵢⵜⵉⵏ ⵜⵉⵏⴰⵎⵓⵏⵜⵉⵏ.

ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵉⵎ ⵜⴰⵏⵙⵙⵉⵅⴼⵜ ⵏ ⵜⵎⵓⵏⵜ ⵏ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵏ ⵍⵎⵖⵔⵉⴱ ⴰⵙⵙ ⵏ ⵓⵙⵉⵎⵡⴰⵙ ⴳ ⵎⵕⵕⴰⴽⵛ ⵜⴰⴼⵓⴳⵍⴰ ⵏ ⵓⵕⵣⵣⵓⵎ ⵏ ⵓⴳⵔⴰⵡ ⵡⵉⵙⵙ 61 ⵏ ⵜⵎⵖⴰⵔⵉⵏ ⵜⵉⵏⵙⵙⵉⵅⴼⵉⵏ ⵏ ⵜⵉⵎⵙⵙⵏⵜⵉⵜⵉⵏ ⵏ ⵓⵎⴰⴹⴰⵍ.